پارتی ئازادی كوردستان لە روونكردنەوەیەكدا رەتیدەكاتەوە كوڕی سەرۆكی حزبەكەیان هاوسەرگیری لەگەڵ دینا كردبێت و رایدەگەیەنێت، حسێن یەزدان پەنا هیچ كوڕێكی بەناوی بەهرام-ەوە نییە.
لەو روونكردنەوەیەدا كە وێنەیەكی بۆ ئاگانیوز نێردراوه ، مەكتەبی پەیوەندییەكانی سلێمانی پارتی ئازادی كوردستان، ئاماژەی بەوەكردووە كە ئەو كەسەی هاوسەرگیری لەگەڵ دینای گۆرانیبێژ كردووە، هیچ پەیوەندییەكی خزمایەتیشی بە بنەماڵەی یەزدانپەناوە نییە.
دەقی روونكردنەوە:
ئاگاداریی و روونكردنەوە
ئەمڕۆ لە شۆسیالمیدیا و تۆڕەكانی كۆمەڵایەتی، هەواڵێك بڵاوبۆتەوە كە كوڕی بەڕێز كاك حسەین یەزدانپەنا بەناوی "بەهرام" هاوسەرگیری لەگەڵ خاتوونی گۆرانی بێژ " دینا" كردووە.
لێرە بە ئاگاداریی هەموو لایەك دەگەیەنین كە ، ڕێزدار حسەین یەزدانپەنا هیچ كوڕێكی نییە بە ناوی "بەهرام" ئەو بەڕێزە هیچ پێوەندییەكی خزمایەتیشی بە بنەماڵەی بەڕێزی یەزدانپەنا وە نییە. بۆ ئاگاداریی ڕایگشتی.
مەكتەبی پەیوەندییەكانی سلێمانی
پارتی ئازادیی
كوردستان PAK
5/6/2021
.jpeg)
