گەرمیان: گەنجێک خوشکێکی خۆی دەکوژێت

 

ئاگانیوز

لەگوندێکی سنووری شارۆچکەی کفری گەنجێک خوشکێکی خۆی بەچەک دەکوژێت.

پۆلیسی گەرمیان رایگەیاند، ڕووداوەکە ئێوارەی ڕۆژی شەممە لەگوندی چەوری سەربەشارەدێی نەوجول لەسنووری شارۆچکەی کفری ڕوویداوە.

ئاشکراشی کرد، کچەکە ناوی(ه،م،ک)ـە و تەمەنی ٢٥ساڵە و دایکی دوو منداڵە و شوێنەواری بە گوللە بەجەستەیەوە دیارە و لەئێستادا تەرمی ناوبراو ڕەوانەی پزیشکی دادوەری قەزای کەلارکراوە و تۆمەتبارەکەش هەڵاتووە و پۆلیسیش پەڕاوی لێکۆڵینەوەی بۆڕوداوەکە کردووەتەوە و بەپێی مادەی ٤٠٦ لەیاسای سزادانی عێراقی فەرمانی دەستگیرکردن بۆتۆمەتبارەکە دەرچووە و گەڕان بەدوای تۆمەتبار دەستی پێ کردوە.