ئاگانیوز
دوابەدوای کردنەوەی ئاگری نەورۆز لەسەر بارەگای کۆمیتەی پارێزگای کەرکوکی حزبی شیوعی کوردستان و هەڵکردنی ئاڵای کوردستان لەسەر بارەگاکە.
شێخ سدیق ئه‌حمه‌د به‌رپرسی کۆمیته‌ی محله‌یی حزبی شیوعی کوردستان به ئاژانسی هه‌واڵی ئاگانیوزی ڕایگه‌یاند " هێزە عێراقیەکان لەڕێگەی بنکەی پۆلیسی ڕەحیماوا چونەتە سەر بارەگاکەی حزبی شیوعی و داوای داگرتنی ئاڵاکەیان کردووە
ئه‌وه‌یشی ڕایگه‌یاند " داوامان له پۆلیسه‌کانی باره‌گاکه‌مان کردووه ئاڵاکه بهێننه خواره‌وه بۆ ئه‌وه‌ی هیچ کێشه‌یه‌ک ڕوونه‌دا.
شێخ سدیق له کۆتاییدا ڕایگه‌یاند " داگرتنی ئاڵای کوردستان له ڕێگای جێگری فه‌رمانده‌ی ئۆپه‌راسیۆنی که‌رکوک بووه له سه‌ر باره‌گاکه‌مان.
گوتی " وێڕای ئیدانەکردنی ئەم جۆرە مامەڵەیە هاوکات ڕایگەیاند بەغدا تا ئێستا بە نەفەسی شۆڤینیەت مامەڵە دەکات بەرانبەر بە دۆزی کورد و ئەوەشی بەرانبەر بە ئاڵای کوردستان کرا پێشێلی دەستورو یاسایەو دەچێتە چوارچێوەی داگیرکاریەوە،
وتیشی داگرتنی ئاڵای کوردستان لەسەر بارەگاکەمان زیاتر هانمان دەدات پێداگری بکەین لەسەر جێبەجێکردنی مادەی 140 و چەسپاندنی مافەڕەواکانی گەلەمان
.jpeg)
