هەولێر: دوای نزیکەی١٠ڕۆژ مەسرور بارزانی هەواڵێکی ئاگانیوز پشتڕاست دەکاتەوە

 

ئاگانیوز

شەوی ١٨ـی ئەم مانگە و پاش ٤٨کاتژمێر لەهێرشە موشەکییەکانی سەر شاری هەولێر ئاگانیوز هەواڵی دەستگیرکردنی ئەنجامدەرانی هێرشەکه‌ی بڵاوکردەوە.

ئاگانیوز بەپشت بەستن بەسەرچاوەیەکی ئەمنی باڵا لەهەرێمی کوردستان هەواڵی دەستگیکردنی سێ کەس لە ئەنجامدەرانی هێرشە مووشەکییەکەی هەولێری بڵاوکردەوە و ئاشکراشی کرد، سەرچاوەکە نەیویستووە ناسنامەی ئەنجامدەرانی هێرشەکە بڵاوبکاتەوە، بەڵام ئەوەی خستووەتەڕوو، کە ئەو کەسانە لەئەنجامی ئۆپڕاسیۆنێکی تایبەتی دەزگای دژتیرۆری سەربە دەزگای پاراستنی سەربە ئەنجوومەنی ئاسایشی هەرێمی کوردستان و بەسەرپەرشتی ڕاستەوخۆی وەیسی بارزانی دەستگیرکراون.

دوای نزیکەی ١٠ڕۆژ لەو هەواڵەی ئاژانسی هەواڵی ئاگانیوز ئەمڕۆ سەرۆکی حکومەتی هەرێمی کوردستان بەفەڕمی دانی بەدەستگیرکردنی ئەوکەسانە دانا و ڕوونیشی کردەوە، لەو کەیسەدا بەپاڵپشتی حکومەتی عێراق توانیویانە بەرەو پێشچوونی گەورە بەدەست بهێنن.

شه‌وی ١٦ـی ئەم مانگە، له‌ ڕێی ٨ مووشکه‌وه‌ چه‌ند شوێنێکی هه‌ولێر کرایە ئامانج و بەهۆیەوە ژمارەیەک قوربانی لێکەوتەوە، کەیەکێکیان بەڵێندەرێک بوو لەنێو فڕۆکەخانەی هەولێر.