ڕۆژهەڵاتی کوردستان: هاوژینی هونەرمەند مامۆستا محەمەدی ماملێ کۆچی دوایی کرد

 ئاگانیوز

کاتژمێر ٣ی سەرلەبەیانی ئەمڕۆ پێنجشەممه‌ ١٨ـی شوباتی ٢٠٢١ خاتوو (ئامین مەولودیان) هاوسەری هونەرمەندی ناوداری کورد محمدی ماملێ کۆچی دواییکرد.

ماڵپەڕی فەڕمی بنەماڵەی محمدی ماملێ هەواڵی گیان لەدەستدانی خاتوو (ئامین مەولودیان) هاوژینی هونەرمەندی خوالێخۆشبێ (محمدی ماملێ)ـی بڵاوکردەوە.

(ئامین مەولودیان) ساڵی١٩٢٦ لەڕۆژهەڵاتی کوردستان لەدایک بووە و کچی یەکێک لە ئەفسەر و فەرماندە  بەناوبانگەکانی کۆماری کوردستان بووە بەناوی (محمدی مەولودیان)، کە ناسراوە بە "حەمەدی مەولودە چرچی‌".

 لەساڵی(١٩٥١) ژیانی هاوسەری لەگەڵ کەسێک بەناوی ئەسعەد خودایار پێکهێناوە و ماوەی ١٠ساڵ بەیەکەوە ژیاون و خاوەنی دوو منداڵ بوون بەناوەکانی(سلێمان و ڕووناک).

ساڵی(١٩٦١) هاوسەرەکەی کۆچی دوایی کرد و لەدوای ٣ساڵ و لەساڵی(١٩٦٤) بۆجاری دووەم ژیانی هاوسەری پێکهێنا و بووە بە خێزانی هونەرمەند محمدی ماملێ و بەرهەمی هاوسەرگیرییەکەیان کچێک و چوار کوڕ بووە بە ناوەکانی عەبدولڕەحیم (نەجات)، شەونم، وریا، چالاک و چیا.