بەچاودێری سەرۆكی تەریقەتی كەسنەزانی لەجیهان شێخ نەهرۆ كەسنەزانی، تەكییەكی سەر بەتەریقەتەكە تایبەت بە ئافرەتان لە كۆماری ئیسلامی ئێران كرایەوە.
شێخ نەهرۆ كەسنەزانی لەمراسیمی كردنەوەی تەكیەكەدا لەپارێزگای سنندج رایگەیاند، تەریقەتی كەسنەزانی و هەمو دەروێشەكانی لەخزمەتی مرۆڤایەتیدان، و تەریقەتەكە رۆڵێكی گەورەی هەیە لە یەكگرتنی كۆمەڵگە و بڵاوكردنەوەی خۆشەویستی و ئاشتی لەنێوان خەڵكیدا.
دووپاتیشیكردەوە، ئەوان دژی هەمو ستەم و رقهەڵگرتن و جیاكاریەكن و بەردەوام لەخزمەتی پەیامی مرۆڤایەتی و كۆمەڵگا و هەموو نەتەوەكانن.
كردنەوەی تەكیەكی كەسنەزانی تایبەت بەئافرەتان لە پارێزگای سنندج، بەیەكەمین تەكیەی ئافرەتان لە كۆماری ئیسلامی ئێران هەژمار دەكرێت و مەراسیمەكەش كە خەڵكێكی زۆر ئامادەی بون، بەژمارەیەك چالاكی ئایینی سۆفیگەری كۆتاییپێهات.
.jpeg)
