عێراق: تەقینەوەیەک لەبەغدا ڕوویدا

 ئاگانیوز

پاش بڵاوبوونەوەی هێزی ئەمنی لەبەغدا و ناوچەکانی تری عێراق تەقینەوەیەک لەبەغدای پایتەختی عێراق ڕوویدا.

بەپێی زانیارییەکانی سەرچاوەیەکی ئاگادار لەبەغدا، کەدەستی ئاگانیوز کەوتووە، تەقینەوەکە لەشەقامی بازاڕی ناوەندی بووە لەناوچەی شەعب لەبەغدای پایتەختی عێراق و تائامادەکردنی ئەم هەواڵە هیچ زانیارییەک دەربارەی ژمارەی قوربانیانی کردەوەکە بەردەست نین.

ئەم تەقینەوەیە لەکاتێکدایە، ئێوارەی ئەمڕۆ موقتەدا سەدر سەرۆکی ڕەوتی سەدر کۆبوونەوەی بەپەلەی لەگەڵ چەند بەرپرسێکی سەربازی سەرایاسەلام ئەنجامدا و لەکۆبوونەوەکەدا ئاماژەبەوە زیادبوونی هەڕەشەکانی بۆسەر ئاسایشی عێراق کرا و ئەوەڕوونکرابووەوە، کەداعش و بەعسییەکان ڕێککەوتوون بۆهێرشکردنە سەر مەزارگەی شیعەکانی عێراق و بەپێی زانیارییەکانی ئاگانیوزیش، کە لەسەر چاوەیەکی ناو کۆبوونەوەکەوە دەستی کەوتبوو، لەکۆبوونەوەکەدا سەدر ئامادەیی تەواوی نیشانداو، بۆوەڵامدانەوەی هەر هێرشێک بکرێتە، کەبکرێتە سەر مەزارگەی شیعەکان.

هەر ئەمشەویش جگە لە هێزەکانی سەرایاسەلام، هێزەکانی دەزگا دژەتیرۆری عێراقیش لەبەغدا بڵاوەیان پێکرا و سەرچاوەیەکی هەواڵیش بڵاوی کردەوە، کە لەکاتی بڵاوەپێکردنی هێزە عێراقییەکاندا گرژی و ئاڵۆزی لەنێوان هێزەکانی دەزگای دژەتیرۆری عێراق و هێزەکانی سەرایاسەلامی نزیک لەموقتەدا سەدر ڕوویداوە