ئاگانیوز
لەنووسینێکدا، سەرکەوت شەمسەدین ئەندامی ئەنجوومەنی نوێنەرانی عێراق بەتوندی وەڵامی وتەکانی ئەمڕۆی مەسرور بارزانی سەرۆکی حکومەتی هەرێمی کوردستانی دایەوە.
دەربارەی دەستگیرکراوانی بادینان، ئەو پەڕلەمانتارەی عێراق لەنووسینەکەی دا دەڵێت: "ئەوان تیرۆریست نین، ئەوان دژی دەسەڵاتە ستەمکار و شکستخواردوەکەی تۆن".
نووسیویەتی: "ئەوە ئەزمونی تۆ و باوکتە، کە کوردستانتان کردووە بە موستەعمەرەی تورکیا و لە ئاستی ئابوری و ئیداری".
ئەو پەڕلەمانتارەی کورد لەعێراق دەربارەی دەستگیرکراوەکانی بادینان ئاماژەی بەوەداوە، کە ئازادیخوازانی بادینان میراتگری راستەقینەی خەباتی خەڵکی هەرێمی کوردستانە نەک بنەماڵەکەی تۆ.
لەکۆتایی نووسینەکەیدا سەرکەوت شەمستدین بۆسەرۆکی حکومەتی نووسیو: "تۆ دڵنیابە بەم هەنگاوانەت کۆتای خۆت و حزبەکەت نزیکتر ئەکەیتەوە، خەڵکی ئێمە چۆکی بە ستەمکاری بەهێزتر لە ئێوە داداوە، بەدڵنیای بەچۆکتانا دێنین و رێگەنادەین کوردستان بکەنە زیندان بۆ ئازادیخوازان".
لەکۆتایی ساڵی ڕابردوودا بەهۆی ئەنجامدانی خۆپێشاندانەوە ژمارەیەک چالاکوان لەناوچەی بادینان دەستگیرکران و ئەمڕۆش لەکۆنگرەیەکی ڕۆژنامەوانیدا سەرۆکی حکومەت ئەو کەسانەی بەسیخوڕ و تیرۆرست لەقەڵەم دا و ئاماژەی بەوەدا، ئەو کەسانە پلانی تەقاندنەوە و کوشتنی کەسانی دیبلۆماتکاری بیانیان هەبووە.
.jpeg)
