کەرکوک یەکێک لە دیارترین موزیکژەنەکانی لەدەستدا

نازم عەلی کاکەیی، ھونەرمەندی موزیکژەنی کەرکوک، شەوی رابردوو ۲۲ی نیسان، بە کۆرۆنا لە نەخۆشخانەیەکی سوید گیانیلەدەستدا.

نازم عەلی (٦٤ساڵ)، لە ساڵی ١٩٧٤ پەیمانگەی ھونەرە جوانەکانی بەغدای تەواوکرد، کاری لەگەڵ هونەرمەندانی بەناوبانگی عیراق کازم ساهر، یاس خزر و سەعدون جابر و دەیان هونەرمەندی تردا کردووە.

لەساڵی ۱۹۹٦ەوە لە سوید دەژی، ناوبراو خەڵکی گوندی زەنقەری کاکەیینشینە لە قەزای داقوق، بەرلەوەی بچێتە ئەوروپا لە گەڕەکی حەمزەلی کەرکوک نیشتەجێ بووە و باوکی دوو کوڕە.